謝拉特，多謝你！因為你嘅衝動，曼聯有機重後趕上。
呢單野仲未明朗，但好有可能成為今屆英超嘅轉捩點。
神奇隊長今次會唔會調返轉，由利記救世主變成罪人？拭目以待。
2008年12月30日 星期二
2008年12月21日 星期日
2008年12月18日 星期四
Why so serious?
上星期分手，今個星期話結婚，呢個世界真係得意，仲有咩係無可能？
我忽然間諗起呢位仁兄嘅說話...
"Let's put a smile on that face！And......why so serious?"
世界變得太快，有時候，真係笑下就算，唔駛太上心。
我忽然間諗起呢位仁兄嘅說話...
"Let's put a smile on that face！And......why so serious?"
世界變得太快，有時候，真係笑下就算，唔駛太上心。
2008年12月15日 星期一
The Wiki of King
仲記得大約十幾日前，個朝因為太肚餓，食左王維基個維字，將佢高調入主拯救亞視稱為「王維新」。炒左一班高層，出哂新宣傳片，點知兩個禮拜唔夠，就突然辭職。光緒維新都有百日，點知「王維新」只有十零日。講真，當見到佢大大聲話亞視唔會變大陸台，又兜口兜面問d亞姐個胸真定假個陣，我真係對佢有d期望，諗亞視係咪真係有新變化。
其實到左呢個地步，亞視都已經玩完，似乎做咩都無用，倒不如真係玩盡d，直頭搵台柱陳啓泰、黃麗梅等等做埋高層，負責統籌所有節目，可能反而置諸死地而後生。
唔係講笑，每次見到阿麗梅d衣著打扮，無論我有幾唔開心都笑返，可能佢真係救到亞視。麗梅，我支持妳。
-----------------------------------------------------------------
晚上十點，王維基發表聲明話無主動辭職。正，黑澤明套<<羅生門>>又有得睇！
2008年12月10日 星期三
Mike
每段關係都會有一d代表性或者象徵意義嘅野，尤其係愛情，能夠代表嘅野就更多。我同Winnie都一樣，都有d野可以代表我地嘅感情，最具代表性嘅莫過於佢...
呢位小朋友叫Mike，多年前買自深圳歡樂谷，最初Winnie並無對佢特別重視，但係七、八年前又忽然間好鍾意佢，一直到而家，愈來愈鍾意。我亦受到影響，比呢位小朋友迷住，基本上，我地真係當佢係仔。六年黎，Mike陪我地行過好多路，無論開心唔開心，佢都同我地一齊渡過，就連旅行都同埋我地一齊去。Mike已經係我地生活上不可缺少嘅一部份，係我地呢段感情必要嘅原素。
四、五年前，我地曾經特登去歡樂谷，為嘅就係睇下而家仲有無Mike嘅同類賣，結果當然無咁美好，無得買，但係既然當年曾經大量出售，廣東香港澳門一帶應該仲有唔少人買過呢款公仔，只係我地見唔到、搵唔見。點知今日，Winnie上網時，竟然意外喺周柏豪嘅blog見到呢款公仔嘅相...
呢對生得幾乎一模一樣嘅小朋友，除左個樣一個純d、一個忟d之外，其他完全一樣，眼耳口鼻以至手腳，甚至個身嘅質地，完全相同。或者當年周柏豪都曾經去過歡樂谷，買過同一款公仔，而且同我地一樣，都非常愛錫佢。如果有機會，我一定要親身問問佢，甚至帶Mike去比佢睇下。
外人睇黎，可能覺得一個大男人鍾意毛公仔好核突，但係有d野就係咁得意，而且愛呢樣野好難講，加上你將一d感情投射左入去，個樣野就會變得更加靚、更加重要。
可能你仍然覺得奇怪，但係我真係好鍾意我個仔。
呢位小朋友叫Mike，多年前買自深圳歡樂谷，最初Winnie並無對佢特別重視，但係七、八年前又忽然間好鍾意佢，一直到而家，愈來愈鍾意。我亦受到影響，比呢位小朋友迷住，基本上，我地真係當佢係仔。六年黎，Mike陪我地行過好多路，無論開心唔開心，佢都同我地一齊渡過，就連旅行都同埋我地一齊去。Mike已經係我地生活上不可缺少嘅一部份，係我地呢段感情必要嘅原素。
四、五年前，我地曾經特登去歡樂谷，為嘅就係睇下而家仲有無Mike嘅同類賣，結果當然無咁美好，無得買，但係既然當年曾經大量出售，廣東香港澳門一帶應該仲有唔少人買過呢款公仔，只係我地見唔到、搵唔見。點知今日，Winnie上網時，竟然意外喺周柏豪嘅blog見到呢款公仔嘅相...
呢對生得幾乎一模一樣嘅小朋友，除左個樣一個純d、一個忟d之外，其他完全一樣，眼耳口鼻以至手腳，甚至個身嘅質地，完全相同。或者當年周柏豪都曾經去過歡樂谷，買過同一款公仔，而且同我地一樣，都非常愛錫佢。如果有機會，我一定要親身問問佢，甚至帶Mike去比佢睇下。
外人睇黎，可能覺得一個大男人鍾意毛公仔好核突，但係有d野就係咁得意，而且愛呢樣野好難講，加上你將一d感情投射左入去，個樣野就會變得更加靚、更加重要。
可能你仍然覺得奇怪，但係我真係好鍾意我個仔。
2008年12月7日 星期日
2008年12月5日 星期五
新朋友
我一向不好杯中物，但近排屋企多左位新朋友，深深吸引住我。
呢位仁兄叫Macallan，係老豆d同事送比佢嘅退休禮物。佢身材高，身穿一件深藍色外套，入面係修長嘅身軀，泛黃嘅液體喺樽入面流動，令我忽然有種想佔有佢嘅衝動。
眼見個個飲Whisky都加冰，我亦有樣學樣。冰塊喺杯入面滾動嘅聲音非常好聽，為呢個寧靜嘅冬夜帶來一d驚喜。酒由樽內傾瀉而出，辛烈嘅氣味令我精神一陣。輕輕一口，只感覺到一股暖流由喉嚨慢慢落到肚，漸漸有股熱力聚集喺肚入面，非常溫暖，同佢冰冷嘅外表完全相反。
借助呢股熱力，思路慢慢清晰，頭先諗唔到點寫嘅essay，忽然出現頭緒。
我望住手上嘅呢杯野，開始明白，點解會有咁多人鍾意佢。
呢位仁兄叫Macallan，係老豆d同事送比佢嘅退休禮物。佢身材高，身穿一件深藍色外套，入面係修長嘅身軀，泛黃嘅液體喺樽入面流動，令我忽然有種想佔有佢嘅衝動。
眼見個個飲Whisky都加冰，我亦有樣學樣。冰塊喺杯入面滾動嘅聲音非常好聽，為呢個寧靜嘅冬夜帶來一d驚喜。酒由樽內傾瀉而出，辛烈嘅氣味令我精神一陣。輕輕一口，只感覺到一股暖流由喉嚨慢慢落到肚，漸漸有股熱力聚集喺肚入面，非常溫暖，同佢冰冷嘅外表完全相反。
借助呢股熱力，思路慢慢清晰，頭先諗唔到點寫嘅essay，忽然出現頭緒。
我望住手上嘅呢杯野，開始明白，點解會有咁多人鍾意佢。
訂閱：
文章 (Atom)