林峰 and 鄭汝樺

一個週末，兩件事，同一個結局。

當一個電視台可以為面子而將亞太區最受歡迎男歌星頒比林峰，你會睇到呢個電視台有幾願意為樂壇做事； 當一個政府可以寧願鬼祟逃走都唔肯作正面對話，你會睇到呢個政府有幾願意面對市民。

見到林峰谷唔出眼淚個樣，再睇下鄭汝樺照稿讀個樣，真係愈睇愈似，因為，佢地都同樣比人擺左上檯。做事只睇利益非常可怕，但更可怕既係佢地好似容祖兒咁，覺得自己已經做得好好，認為自己值得好多人支持。

其實相比之下，政府都還好，起碼班高官同建制派議員自知理虧，靜雞雞走人，曾生更加係影到唔見，但係TVB真係得人驚，明明係自己頒比自己，阿樂小姐都仲可以咁感動。

原來活係自己世界的人先最可怕。香港，的確需要一d衝擊，推倒重來。