仲記得大約十幾日前，個朝因為太肚餓，食左王維基個維字，將佢高調入主拯救亞視稱為「王維新」。炒左一班高層，出哂新宣傳片，點知兩個禮拜唔夠，就突然辭職。光緒維新都有百日，點知「王維新」只有十零日。講真，當見到佢大大聲話亞視唔會變大陸台，又兜口兜面問d亞姐個胸真定假個陣，我真係對佢有d期望，諗亞視係咪真係有新變化。
其實到左呢個地步，亞視都已經玩完，似乎做咩都無用，倒不如真係玩盡d，直頭搵台柱陳啓泰、黃麗梅等等做埋高層，負責統籌所有節目，可能反而置諸死地而後生。
唔係講笑，每次見到阿麗梅d衣著打扮，無論我有幾唔開心都笑返，可能佢真係救到亞視。麗梅，我支持妳。
-----------------------------------------------------------------
晚上十點，王維基發表聲明話無主動辭職。正，黑澤明套<<羅生門>>又有得睇！
沒有留言:
張貼留言