「商」人

你問我，我想唔想做呢行？

我想。

再問我，識唔識做呢行？

唔識。

我唔識做，但係唔代表我要將呢個機會白白浪費，我唔試過做，永遠唔會知道自己處於咩水平。

與其擔心，倒不如勇敢面對，好好享受呢段唔知會持續幾耐日子。

畢竟，唔係好多人可以做到自己想做工作，我知道自己有幾幸運。

感謝上帝！我終於成為「商」人。

仙境

一向甚少流連煙酒之地，對於酒只僅僅認識各種啤酒黑啤燒酒以至屋企唯一一支Macallan，但自從上次去Manchester，邂逅到樓上個杯野之後，自此對酒開始有新睇法。

呢杯野叫Sangria，Sang呢個字除左同我有莫大關係之外，西班牙文、法文入面都可以解做血，見到杯野就知點解要改呢個名。Sangria可以話係西班牙國酒，每間西班牙餐廳都會有，配料可能有多少唔同，但主要由紅酒、白蘭地、切粒/片生果混合而成，入口容易，深受少男少女歡迎，不過唔好覺得好飲就係咁飲，因為酒精含量極高，只係入口唔覺，女士們緊記小心。

香港只有一d西班牙、南歐餐廳或者大間dpub先有得飲，好多酒莊、大型超市都無得賣，點知今晚走入某間連鎖快餐店食晚飯，竟然比我見到佢！不過黎得呢d快餐店，都知佢肯定唔好飲，加上要迎合大眾，應該無咩酒精成份。我特登留意佢點沖，見到佢將大量冰塊同水倒入杯，然後再由雪櫃拎出一個裝有紅色色素同生果碎盒，倒落隻杯度，攪兩下，上檯。我即刻試一口，然後再無飲過第二口。

只係因為個名，我明知佢會令人失望都照飲，所以你話改名係幾咁重要。話時話，中文有d人將Sangria譯作血紅雞尾酒，我覺得呢個名麻麻，反而我覺得香格理拉幾趁佢，有音譯，又可以令人感覺置身香格理拉仙境之中，好，我從始叫你做香格理拉，下次試下咁叫，睇下有無人唔明。

別了，舞王！

起身開電腦，見到朋友msn寫住"拜拜MJ"，一時間load唔到，一load到，成個人呆左。

早幾日去完澳門，先某賭場見到佢張poster，心諗：唔通請到佢去做？過千都要睇！

我永遠記得第一次睇Thriller個mv個陣震撼；永遠記得你舞步陪我渡過左好多無聊時間，

未現場睇過你表演，肯定係我一個遺憾。

再次証明，天才總係短命，占士甸、John Lennon、李小龍、黃家駒......或者上帝就正正覺得佢地夠叻，要安排另一d野比佢地做。

MJ，你本身已經係一個Thriller，希望你可以在另一個世界發光發熱！

擔

記得前年到布拉格前，曾經特登走去睇左 <生命中不能承受的輕>先去，當時只記得故事情節，書中意義並唔深刻。但人會長大，到左某個階段，自然會記返起曾經學過或者睇過野。

人都係唔能夠太輕，要有負擔，先至會有存在價值。

係犯賤？或者係。

我心中負擔，會唔會搵上門？

我擔唔擔？擔架。又擔心，又想有得擔。

薪火相傳

從前，有個幅員廣闊的森林，森林中住著各種各樣的動物，一直以來，森林中以豬為首，雖然歷經多個不同的豬家族統治，但始終以豬為最大。這種觀念根深蒂固，數千年來，都顯得合情合理。

但世界在進步，森林中的動物亦漸漸懂得更多，眼看森林被豬及其伙伴攪得污煙漳氣，開始對豬的統治有意見。動物們開始抗議，而且規模愈來愈大，森林各處的動物都湧到森林中央，向豬表達不滿。或許是因內部權力鬥爭；或許是因既得利益漸被取替，年老的豬群們開始失控，不顧年輕豬隻的反對，竟然從森林遠處抽調其他軍隊到森林中央，以武力鎮壓動物，釀成一發不可收拾的悲劇。

轉眼間，二十年過去了，森林的發展不但沒有因流血事件停滯，反而愈來愈好。然而，這種只停留在表面的好景況，掩蓋不了二十年前的暴行，但森林各處早已將相關訊息完全禁絕，不但將有份參與抗議的動物收監、驅逐，就連提都不敢提，意圖將暴行隨這一代動物消逝而埋葬。某些親歷抗議的動物，亦因豬群的統治而變得沉默，不再有當年反抗暴政的雄心。

唯獨位於森林南方，有一個身份特殊的彈丸之地，二十年來不斷提醒動物們當年的事情，更敢於跟豬群對抗，每年舉辦追思會，並不斷教導年青的小動物們，希望牠們可銘記事件，薪火相傳。這種自由是森林中僅有，然隨著森林的影響力愈來愈大，半島精神不知能延續多久，動物們都知道，只能盡力繼續幹下去。

有些事情，還是要做的，莫失莫忘。就將這種精神傳承下去。

下次再黎

技不如人，無話可說。

面對沙維、恩尼斯達同美斯呢三個可以將個波同自己合而為一球員，真係輸得心服口服。

伊度奧單對單扭過維迪、亨利cup過李奧費甸南，都証明曼聯質素不及巴塞隆拿，甚至有d無招架之力，若非對手稍稍留力，可能輸得更難睇。再次証明，無論香港人幾鍾意英國波都好，佢地真係同最頂級仲有少少距離，曼聯好，英格蘭好，要再有州際或者國際榮譽，仲需要繼續改善。

拎到冠軍當然好，但係亞軍都算係咁，畢竟我真係無諗過佢地可以再入決賽，而家已經算超額完成。曼聯都好應該趁呢個機會，同流感病毒一樣洗下牌，雲達沙、加利佬、史高斯同傑斯都要逐漸淡出，由新一批人接棒。正如費sir賽後所講："Next season, we'll be stronger."

好，就下季再黎過。

恭喜哂

作為一個曼聯球迷，so far都非常幸褔。

今季季初曾經到奧脫褔一遊，令我今晚更加開心。

5月27號，希望再黎一次，去羅馬攪掂巴塞隆拿！

Swine Flu

能夠傳到美國、英國，即係話傳染全世界，只係遲早事。

前車可鑑，香港政府今次反應算快，始終沙士一役實在損失慘重。

剛剛到藥房一趟，已經見到一位太太買左五大盒口罩，防患於未然。

身體要緊，大家記得勤洗手，口罩放口，如果想嘔，記得搵醫生幫手。

影帝

十年前，一次無聊，入場睇左賭俠1999，從此愛上張家輝。

十年來，作品唔少，有好片亦有爛片，而且印象深刻。

永遠記得呢d對白：

路人: 喂，借個火黎丫
張 : 喂，借d錢黎駛丫
路人 : 痴線
張 : 痴線

我識個師姐以前係呢個環頭 ...
你識唔識佢
佢叫娥姐

youtube仲有大把精彩片段，請各位自行重溫。

恭喜！

遊戲人生

成日認為，人必須要依附住某些團體，先會搵到歸屬感同安全感，融入左一個團體之後，我地先可以有信心去完成事情，發揮自己功用，顯示自己價值。或者以前無咁覺，但係網絡世界發展提醒左我地，facebook將呢樣野具體化，我地幾乎每日都加入某個群組，又或者退出某個群體，進進出出，只在彈指之間，非常容易。

可惜，日常生活中我地唔能夠咁做，道德感同責任感將我地心底意欲壓到最低，唔係唔想反抗，而係唔敢反抗，擔心反抗之後所出現結果，令到自己會無左歸宿，失去力量。尤其係慣左賣力香港人，有幾多個夠膽對抗生活？更加好笑係，如果你敢於反抗，反而會被人笑，被人責備，話你蠢，話你居。

愈大愈明白，呢個社會只係個遊戲，要玩，就要守規矩，遵守好多無理、但係社會上大眾認同規則。我更加明白，要想改變呢種風氣，你就更加要跟遊戲規則，直到成為贏家，你先有機會改變現狀。

所以，我會好比心機，玩好呢個遊戲。



街燈醒悟，該休息了。

陶傑先生，多謝你！

拜讀左陶傑先生呢篇文章，感觸良多。

-------------------------------------------------------------------------------------
大 學 削 減 經 費 ， 歷 史 系 幾 乎 要 關 門 。

不 是 說 香 港 缺 乏 所 謂 政 治 人 才 ？ 培 訓 政 治 人 才 ， 最 理 想 的 基 地 是 大 學 的 歷 史 系 。

歷史 系 是 文 學 院 之 母 。 政 治 、 社 會 、 新 聞 傳 理 、 通 通 不 必 修 讀 ， 讀 好 歷 史 系 就 得 了 。因 為 大 千 世 界 ， 名 相 紛 陳 ， 今 天 的 政 治 ， 就 是 明 天 的 歷 史 ， 今 日 的 新 聞 ， 就 是 明 天的 史 料 檔 案 ， 一 切 醜 聞 和 危 機 ， 謎 底 都 在 歷 史 之 中 。 只 要 選 對 大 學 ， 跟 隨 一 位 名 師， 開 一 張 書 單 ： 湯 恩 比 、 H G 威 爾 斯 、 泰 萊 ， 歷 史 學 殿 堂 金 光 閃 閃 的 名 字 ， 找 一 塊青 草 地 ， 幾 座 長 了 青 苔 的 墓 碑 ， 帶 一 隻 青 蘋 果 ， 一 塊 番 茄 青 瓜 三 明 治 ， 捧 一 部 經 典， 就 這 樣 啃 空 了 一 個 初 秋 的 下 午 。

然 而 大 學 畢 業 ， 只 有 二 十 一 歲 ， 這 個年 齡 不 可 能 深 明 那 一 切 興 亡 的 道 理 。 跟 哲 學 和 文 學 一 樣 ， 大 學 的 歷 史 系 ， 嚴 格 來 說是 不 可 能 拿 到 一 級 榮 譽 的 — — 正 如 十 八 歲 的 年 紀 讀 杜 甫 的 《 秋 興 》 八 首 ， 怎 麼 可 能洞 澈 其 中 底 蘊 呢 ？ 即 使 是 吳 宇 森 的 《 英 雄 本 色 》 ， 三 十 六 歲 之 後 再 看 才 品 味 出 幽 藍情 調 深 深 包 藏 的 一 份 苦 澀 — — 但 是 不 要 緊 ， 一 知 半 解 ， 似 晦 還 明 ， 一 個 劍 橋 歷 史 系的 畢 業 生 ， 投 身 下 議 員 當 一 個 保 守 黨 議 員 的 助 理 ， 走 出 圖 書 館 ， 步 入 議 事 殿 堂 ， 邱吉 爾 和 麥 美 倫 的 身 影 魅 隨 左 右 ， 這 是 何 等 完 美 的 一 份 好 差 事 。

香 港 沒 有「 政 治 人 才 」 ， 那 麼 大 學 的 歷 史 系 為 何 要 關 門 ？ 因 為 讀 歷 史 ， 找 不 到 工 作 ； 更 準 確地 說 ， 因 為 香 港 的 老 闆 聘 請 新 人 ， 他 們 只 懂 得 M B A 和 會 計 工 管 的 學 位 。 一 個 歷 史系 畢 業 生 ， 在 中 環 見 工 的 會 客 室 ， 人 頭 湧 湧 ， 是 最 憔 悴 的 一 個 。

沒 有 「 人 才 」 ， 是 因 為 缺 乏 土 壤 。 歷 史 系 就 是 政 治 家 最 理 想的 土 壤 了 ， 尤 其 是 面 對 特 區 當 前 這 一 台 台 戲 ， 台 上 的 小 角 色 ， 只 須 用 十 份 一 的 歷 史知 識 就 可 以 看 得 通 透 ： 袁 世 凱 和 譚 嗣 同 、 戈 巴 卓 夫 和 葉 利 欽 ， 人 物 的 原 型 都 在 中 外古 今 三 千 年 的 洪 流 。

「 政 治 人 才 」 往 哪 去 找 ？ 天 蒼 蒼 地 茫 茫 ， 只 能 永 遠從 「 S a l e 屎 」 的 隊 伍 找 「 人 才 」 。 「 我 勸 天 公 重 抖 擻 」 ， 龔 自 珍 的 吶 喊 ， 在 十九 世 紀 的 道 光 年 ， 一 百 五 十 年 之 後 你 終 於 明 白 了 他 的 心 聲 ， 然 而 聾 瞶 如 昔 ， 迷 朦 依舊 ， 讀 歷 史 找 不 到 工 作 ， 保 障 不 到 飯 碗 — — 所 謂 「 搵 工 做 」 ， 只 講 走 出 校 門 的 第 一份 職 業 的 起 薪 點 ， 香 港 的 父 母 都 慣 了 這 樣 計 算 ， 他 們 從 錢 眼 洞 看 世 界 ， 香 港 沒 有 政 治 人 才 ， 因 為 沒 有 歷 史 學 家 。 中 國 城 夜 總 會 關 門 了 ， 「 經 濟 專 家 」 的 分 析 是 香 港 的消 費 趨 勢 如 何 ， 但 十 家 夜 總 會 關 門 ， 比 不 上 一 家 大 學 歷 史 系 之 遣 散 ， 然 而 只 佔 那 麼一 小 角 的 新 聞 。

倚 在 墓 碑 讀 過 半 冊 的 湯 恩 比 ， 蘋 果 吃 完 了 ， 讓 野 鴿 子 啄 食 三 明 治 的 殘 屑 ， 經 歷 過 那 樣 的 一 個 黃 昏 ， 以 後 許 多 事 情 ， 都 明 白 了 。


-------------------------------------------------------------------------------------

我從來都無因為讀歷史而覺得失敗，相反，我探究緊無數古人智慧，反省緊無數生命結局。

重利輕義社會一定要付出代價，好可惜香港正正只能夠重利益，唔能夠學其他歐美國家一樣既重義又重利。

唔緊要，我清楚知道自己做緊咩。

唔好逼我

女住客按捺不住，只因居住環境受到侵擾，卻弄出了一件大事。

南亞人離鄉別井，只為找更好的生活條件，卻淪落致客死異鄉。

開鎗警奉命行事，只為履行本身工作職責，卻意外成殺人兇手。

一件事情，兩下鎗聲，三個生活受到壓逼的人。

生活逼人，在這時勢下，一句唔好逼我，包含了種種生活上的煩惱。

追追趕趕，高高低低，希望大家都可以彷彿遊戲之中，忘掉輕重。

驚蟄

古人智慧，的確值得稱頌，農曆話明今日係驚蟄，即刻橫風橫雨，d雷聲真係驚到人都直，不枉"驚直"之名。

"驚直"除左帶黎大風大雨之外，亦同時產生唔少反應，而且更一個接一個，環環相扣。先有落雨令路面濕滑，釀成交通意外，救傷車不斷出出入入，鐘聲不絕於耳；再有伴隨大雨而黎雷公，不斷用力擊打佢個兩條法器，唔單止令人覺得震撼，連狗都同樣嚇怕，不斷以吠聲回應，雷公繼續打，隻狗繼續吠，愈響愈吠，愈吠愈響，結果......


咪就係攪到我而家兩點幾鐘仲眼光光lor。

百萬富翁

無疑，的確係套幾好睇戲，節奏明快，情節淺白，配樂亦都名不虛傳，將我以往唔太喜歡印度音樂黎個大改變，配合主角動態、心情，令人聽得暢快，睇得投入。戲入面貧民窟實境令人印象難忘，生活條件惡劣，真係隨時死左都無人知，令我諗起City of God呢套戲，分別只係City of God更直接、更暴力。

之但係，我又覺得未至於係最佳影片，講啟發性蝙蝠俠大得多，講戲味又唔及自傳式Milk，唔通真係有政治因素：希望借一部講逆境自強電影去配合返美國、以至全球環境？

睇戲時，大家不妨留意週圍有無多左人做主角，同Jamal一齊玩百萬富翁，我隔離正正有對參加者，不停騷擾，專心到我"殊"佢兩次都完全唔知，可見百萬富翁熱潮隨時可以再現。建議亞視攪完大龍鳳後，即刻搵返陳啟泰再主持百萬富翁，大學生人工得四千情況下，反應肯定熱烈，收視升。

問號

財 政 司 司 長 曾 俊 華 表 示 ， 為 大 學 生 提 供 實 習 培 訓 ， 讓 學 生 在 未 找 到 工 作 前 ， 體 驗 工 作 情 況 ， 或 者 有 機 會 對 內 地 企 業 ， 長 遠 而 言 對 大 學 生 是 好 事 ， 希 望 大 學 生 不 要 斤 斤 計 較 ， 即 使 沒 有 人 工 亦 應 去 做 。

司長，我完全唔明你咩意思。我係一個人，要生活要食飯要搭車，呢d係基本要求，咁樣叫做斤斤計較？

唔收人工？不如你都唔好收喇。

再次証明呢班所謂高官只係活自己世界，以為個個畢業生屋企大把，可以一邊經驗一邊學野，佢地知唔知大把人要還grant loan，又要養家？大學生都咁，中七點算？中五又點算？點解你要增加d商家議價能力？

呢篇野好多問號，同樣，我個腦入面都有千萬個問號，理解唔到呢班人諗咩，管財經事務可以唔知咩係迷債，管錢叫人唔好收錢。

好可悲，作為一個即將畢業學生，我真係欲哭無淚。我開始明白，點解咁多人寧願咩都唔做綜援，想打工靠自己會無人工，咩都唔做攤屋企反而有錢收，呢個係咩社會現象？

時勢唔好，人會渴望有英雄出現，我彷彿見到一個俠士走入大學，住武器，將大學生一個一個殺死......

高手

所謂大隱隱於市，香港呢個細細彈丸之地，其實隱藏左好多高人。





如果真係出呢d yes card，應該好買得。

曇花一現

隨著倫敦大雪緩和，英超冬季轉會窗亦都正式關閉。

曼城大灑金錢，當然條箇中焦點，但係熱刺亦唔執輸，買入唔少人，而且大多都曾經踢過熱刺，換句話說，係食回頭草。咁多棵草之中，又以羅比堅尼最受注目，僅僅轉去利物浦半年，立刻又重投熱刺，極具戲劇性。有d野真係整定，睇黎羅比堅尼始終唔可以踢大會。

出場機會唔多，入球自然少，但係我忽然發覺，原來我親眼見證過曇花開花一刻，有幸現場睇住羅比堅尼射入踢利物浦第一球。



羅比堅尼，因為呢一晚實在太難忘，所以我唔會唔記得你踢過利物浦。離開唔係代表你無能力，我始於覺得有問題唔係你，係賓尼迪斯。

我有新歡

成日有人同我講：「小心七年之癢！」

每次聽完之後，我都當係耳邊風，聽完就算，所以我點都無諗過會有咁一日。

我承認，我對佢生厭。

眼見身邊個個換畫，我都一直堅持，但係見到其他人換左之後，開心好多，連心情都開朗d，我都開始有動搖，到左最近，各種客觀主觀因素之下，我終於下定決心。

請唔好怪我貪新鮮，你一日比一日殘，我最初都忍受到，但係當新野不斷出現，我地之間感情，已經開始磨滅。對唔住，話哂對左咁多年，我講野唔應該太過份，我應承你，我會好好努力，多謝你過往幾年幫助，令到我可以更加了解個世界，更加明白自己。

再見了...



你服務左我咁多年，希望你可以用你剩餘價值幫助其他人。

好詞

請大家記住 周博賢 呢個名，記住係周博賢，唔係周國賢，相信兩三年內，頒獎台上唔再剩係林夕、黃偉文之爭。

能夠將一個家傳戶曉嘅故事融入歌詞，仲可以tag埋落現代男女關係心態，認真厲害！

謝安琪 - 祝英台
曲：Cousin Fung
詞：周博賢
編：Cousin Fung
監：周博賢


遊學遠方 習禮知書廣人網
原是女身暗掩裝
校有規訓令確 不允許巾幗求學
淑賢女子屬深閨居暗房

人在遠方 處身書齋感迷茫
尤幸與山伯結黨
夜唱詩晝畫作 賞雨看星說文學
熱情暗生不可自抗

怕坦率將心聲交代 怕草率洩露祝英台
若擦肩強避開 然後視線驟改 不敢笑逐顏開

為什求覓到所愛 必先要死去活來 乞討無障礙對待？
為什求活到精采 須將女身卸下來 自我蓋掩不自愛？
會否等得見未來 女共男 均等競賽？

重踏故鄉 赫知家中出狀況
嚴父配女予馬方
令似山欠力抗 知付託山伯無望
二人最終不歸路往

再細想今天這一代 有哪種性別得偏愛？
樂見風氣漸改
還是大智未開？ 酒不變舊瓶改

為什求覓到所愛 必先要死去活來 乞討無障礙對待？
為什求活到精采 須將女身卸下來 自我蓋掩不自愛？
會否等得見未來 女共男 均等競賽？

為什求覓到所愛 必先要裝笑扮呆 苦哀求別人慷慨？
為什求活到精采 須將襯衣卸下來 露背坦胸不自愛？
會否等得見未來 女共男 均等競賽？

停車

失去了一隻手不要緊，最緊要你繼續用它來為人服務；

魚頭掉進廁所不要緊，最緊要你仍然覺得它清甜美味；

前路迷迷惘惘不要緊，最緊要知道自己有時間去尋找；

停下來，然後繼續往前走。

共勉之。

撞車

幾年前考到車牌之後，就有人同我講，第時買車要買架歐洲車，因為襟撞，就算保護唔到架車，都保護到個人。

果然，C7架法拉利撞成咁，但係個人完全無受傷。

C7阿C7，你練波前飲酒事少，如果你有咩衫長褲短，星期日場波就真係多得你唔少。拍爛檔，希望今次撞車可以撞返醒你個人，星期日踢場好波睇下。